البيبسي الدايت و الكولا زيرو او المشروبات الغازيه الدايت بشكل عام , عليها خناقات كتير جداً على السوشيال ميديا , هعرض ليكم الموضوع بشكل علمي و هنعرف فين الصح

و هنجاوب على أهم الاسئله زي : ( بتجيب سرطان ؟ – بترفع سكر  ؟ – بيخدعونا وهي مش دايت – ده فيها سكر جامد – بيتقلل الحرق و غيره )

المكونات الاساسيه للمشروبات

المكون الاساسي لاى مشروب فيهم هو ( أسبرتام Aspartame – سكر صناعي ) و ( حمض الستريك Citric acid )

الاسبرتام

ده عباره عن سكر تحليه صناعي قوة تحيلته بتوصل ل 200 مره , فعشان كده مجرد استخدام جرعات منه بالميليجرام كفيله لاحساسك بان طعم الحاجه مسكر

هل الاسبرتام أمن ؟

 أسبرتام واخد  موافقه  FDA بعد مراجعه حوالى 100 دراسه

منظمات عالميه راجعت الدراسات و اختبرت أمان الاسبرتام منها (( the Joint Expert Committee on Food Additives (JECFA) )) , (( Agriculture Organization and World Health Organization )) , (( the Scientific Committee for Food of the European Community )) اشارت ليها المنظمه الكنديه

و هنا American cancer Society مفيش ادله بتدعم انه بيسبب السرطان و ذكرت اراء المنظمات الاخري

 المنظمه الاوروبيه لسلامه الغذاء EFSA و رايها في اسبرتام

 الاسبرتام و الانسولين

و دي الدراسه دي اثبتت ان الاسبرتام مش بيرفع الانسولين  , كمان نقطه مهمه : تقدر تختبر ده بنفسك انك تبقي صايم وتشوف نسبه سكر الدم قد ايه و تشرب بيبسي دايت او اسبرتام و ترجع تشوف الاختبار تاني و تكرره اكتر من مره

و ده فيديو لحد كان عامل ( كيتودايت ) و قاس مستوي الكيتونات و سكر الدم و مفيش اى ارتفاع فيهم ! يعني الاسبرتام و المشروبات الدايت مش بتاثر على سكر الدم

الاسبرتام بيتحلل ل 3 مواد

• ميثانول Methanol

و بتوصلك من الميثانول كميه بسيطه جدا جدا من الاسبرتام و هو بيتحول في الجسم الي ال formaldehyde و مفيش اى دليل عندنا انه بيضر الجسم في حاجه

عندك حاجه مثلاً زي كوبايه عصير طماطم ممكن يبقي فيها ميثانول 6 مرات أكثر من كانز واحد من البيبسي الدايت , غير ان جسمك ذات نفسه بيطلع formaldehyde أكثر من الكميات دي بدون اى مشاكل

• الاسبريتك اسيد aspartic acid

وهو حمض اميني عادي جداً مفيهوش اى مشاكل

• الفينوالانيين Phenylalanine

و ده حمض اميني بس ممكن يعمل مشكله للناس اللى عندها (( اضطراب جيني نادر PKU )) اللى بيبقي عندهم القابليه لزوياده الفينوالانيين في الدم , و هي دي مشكله الاسبرتام اللى نبهت عليها المنظمات فوق هو الاضطراب الجيني ده

هل في كميات لايمكن تجاوزها ؟

ايوة نعم ,  حوالى 40-50 مج من الاسبرتام لكل كيلو من وزنك , يعني لو وزنك 80 كيلو , المفروض لاتتعدي الـ 3200 مج و دي كميه كبيره جداً , استهلاك معظم الاشخاص اقل من كده

المخاطراللى بتسببها المشروبات الغازيه

تأكل الاسنان

حمض الستريك حموضيته عاليه ممكن يسبب تاكل الاسنان , و الانتظام عليها لفترات طويله و بكميات كبيره ممكن يسبب ليك تاكل في الاسنان

لتقليل الاضرار : مضمض فمك كويس جداً بعد شرب الدايت و قلل كميتها كفايه كانز واحد يومياً , وللعلم نفس القصه على ( البرتقال و الليمون ) لانهم احماض

المشروبات الغازيه ممكن تعمل هشاشه عظام

ممكن تعمل هشاشه عظام و الحل : اننا نحسب استهلاكنا من الكالسيوم من الاكل الطبيعي , و لو فيه انتظام في شرب المشروبات دي نبدء نعوض النقص في الكالسيوم في الدايت عن طريق الاكل او المكملات

الخلاصه 

• الاسبرتام آمن مفيهوش مشاكل – سواء كسكر دايت او في المشروبات الدايت الا لو عندك اضطراب جيني
  
• كانز دايت واحد او اتنين كفايه في اليوم
  
• مضمم الفم كويس بعد شرب المشروبات الدايت او الحمضيات
• اهتم بالكالسيوم في الدايت