المكسرات و الدايت

المكسرات و اللب مش اسناك ..
المكسرات باختلاف اشكالها و انواعها ,انا بعتبرها من افضل الحاجات المقربه الى قلب اى حد
بصراحه عشق و نتجيه لكده بنسبه ليا المكسرات متنفعش اسناك لوقعدت اكل منها هخلص كميه محترمه فالسؤال ( هل المكسرات هتبوظ الدايت ؟ )

سبب كتابتي البوست .. مشكله متكرره حصلت كتير

بعد فتره من الـ س و الـ ج مع المتدرب انا متأكد ان كل حاجه مظبوطه في الدايت و التمرين .. اكتشف انه و هو بيتمشي ( اخد كبشه مكسرات و لب .. و السبب : اصلها صحيه يا كوتش !! )

سوء تقدير الكميات

احنا بنعاني من مشكله تقدير الكميات .. الكبشه او الاتنين اللى حضرتك بتاخدهم .. ممكن يوصلوا 100 جرام اذا مكنش ازيد ..
جرب بنفس خد كبشه و حطها في طبق و على الميزان شوف هتطلع كام !

السعرات الحراريه و الماكروز في المكسرات

الـ 100 جرام ( فول سوادني )
570 – 590 سعر حراري .. 50 جرام دهون – 24 جرام بروتين – 22 جرام كارب
الـ لب سوري ( عباد شمس )
570 – 590 سعر حراري .. 51 جرام دهون – 21 جرام بروتين – 20 جرام كارب
الـ لوز
540 – 550 سعر حراري .. 48 جرام دهون – 20 جرام بروتين – 19 جرام كارب

وقيس على كد معظم الانواع التانيه … يعني بنتكلم في حدود ( 550 – 600 كالوري )
فحضرتك لما تيجي تاخد 100 جرام دخلت ليا في الدايت 570 سعر حراري .. ممكن يكونوا دول اصلاً عجز السعرات اللى انا عاملهم ليك عشان تخس .. الفول السوداني بنصفنه عرفأ انه من المكسرات لكنه من البقوليات

بس المكسرات دي سناك صحيه

انا مش مشكلتي صحيه او مش صحيه انا مش جاي اتكلم عن فوايد المكسرات النهارده .. انا مشكلتي في احتياجات جسمك من السعرات و ( الماكروز كارب بروتين دهون .. )
لو انا مصمم ليك الجدول على ( 150 بروتين – 150 كارب – 50 دهون ) …
انت ب 100 جرام سوداني .. غيرت القيم دي تماماً بقت ( 175 بروتين – 175 كارب – 100 دهون ! ) ..
انا استفدت ايه بقي بالقيم ( الصحيه ) الجديده ؟! مازال جسمك بيتعامل معاها على اساس انها مصدر للطاقه .. هو مش محتاج كميه الدهون الكبيره اللى حضرتك دخلتها دي فبتالى لو ماستخدمهاش كمصدر للطاقه فهوهيخزنها تاني
بتالى هيفضل وزنك ثابت ! لانك كده يعتبر دخلت سعرات ثباتك ( بفرض اني عاملك عجز 500 -600 كالوري ) .. فهتلاقي المحصله واحده للاسف .. بسبب 100 جرام سوداني اللى هم 570 كالوري !!

يبقي اذا انا قضيتي ( سعرات / طاقه / ماكروز يعني قيم من البروتين و الكارب و الدهون )

بس انا دخلت اهو بروتين زياده

المكسرات و اللب مش مصدر اساسي للبروتين ( مصدر ثانوى ) .. ارجع تاني للقيم بتاعتها فوق .. هتلاقي كل 100 جرام فيها 25 بروتين !! الله دي قيمه حلوه جداً لكن في المقابل فيه 50 جرام دهون ! و هنلف في دايره مقفوله بتاعت ال 570 كالوري .

طيب ادخل المكسرات ازاي في الدايت ؟

المكسرات طالما عاوز تدخلها في الدايت يبقي لازم تطبق حاجتين :

تسيب ليها مكان و تعمل حسابها في سعراتك الحراريه و الماكروز بتاعتك .

تتحكم في نفسك .. كل واحد عارف نفسه .. لو مش بتعرف تمسك نفسك من المكسرات ( متدخلهاش البيت )

ودي احكيلك فيها تجارب عشرات المتدربيين .. (( حاضر ياكوتش دخلى بس 20 جرام و انا مش هاكل أكثر منهم )) ..
يختفي اسبوع و يرجع يقولك انا كلت نص كيلو !! اصل انا بحب زبده الفول و الحاجات دي !
وده نفس فكره الدايت اللى بتدخل فيه 10 – 20 % من حاجه نفسك فيها ( IIFYM ) .. لو مش هتقدر تلتزم ب 20 و 30 جرام شيكولاته و حته حلويات صغيره .. و انت مش بتاع الحاجات دي .. يبقي نصيحه متطبقش النوع ده من الدايت لانك مش بتتحكم في نفسك .

لكن فيه ناس ماشاء الله ارادتهم حديد .. لو كتبت ليه 20 – 30 جرام شيكولاته .. خلاص مش هياخد غيرهم .

خلاصه

انت صاحب قرارك ..

هتعرف تتحكم في نفسك .. دخل المكسرات من سعراتك و الماكروز بتاعتك .

مش هتعرف تتحكم في نفسك .. اعتبرها من الممنوعات