رايان عنده اصابة في الكتف قبل كده

 رايان مداه الحركي في مشكله

 رايان شايل وزن فوق طاقته بيلعب 1 عده للانهيار و بمساعدة كمان + الحركة السلبية

 صاحبك اللى بيسخنك على زيادة الأوزان

عندك اصابة في الكتف او تاريخ كتفك مش كويس

( لاري Larry Wheels  ) اثناء التسخين و قبل الاصابه بدقايق كان بيسأل ( رايان Ryan Crowley ) بالصدفة .. بيقوله : كان عندك اصابه في كتفك قبل كده ؟

قاله : ايوة

 فنصيحه مهمه :: يبقي المفروض تبقي حذر جدا في اختيار الوزن + رينج العدات و اختيار الشدة اللى هتلعب بيها

مشكله في المدي الحركي

يبقي تبقي حذر جداً في النقطه دي اثناء التمرين , نفس القصه سأله و قاله : انت عندك مشكله في المدى الحركي Range of Motion

( الوزن العالى جداً + الحركة السلبية )

زي ما الحركه السلبية ليها مميزات في تحسين الاداء الرياضي – القوة والحجم – النيورال ادابتيشين – و عوامل تانيه كويسه زي التأهيل و غيره حسب الحاله 

الا ان الحركة السلبية بوزن كبير جداً و فوق طاقتك بعده واحدة .. غلط مش صح

تعالا نحلل الوقت اللى اخده في الحركه السلبيه … مبدئياً : الحركه السلبيه هي الحركه اللى بيتحرك فيها البار من اعلى لأسفل ناحيه الصدر

هو اخد وقت طويل ( حوالى 4 – 5 ثواني .. من وقت 19 ثانيه لوقت 23 ثانيه ) و ده وقت طويل جداً بالوزن ده  – شوف فيديو الاصابه من هنا

اختيار الوزن المناسب للحركه السلبيه مهمه جداً … لكن مستحيل تلعب بالوزن ده كله و بحركه سلبية و عده وحده

الاهتمام بالحركة السلبية مهمه لو ( هتطبقها ) صح و رينج عدات صح ووزن مناسب

صاحبك في التمرين

متخليش صاحبك اللى بيسخنك على زيادة الاوزان , انت عارف اخرك و انت عارف طاقتك في الوزن و انت اللى حاسس بجسمك يقدر يشيل الوزن ده ولا لأ.

ونقطه الصاحب في التمرين عليها ابحاث .. انه ممكن يساعدك في زيادة اوزانك و انك فعلاً تلعب بفوليوم أعلى.

بس ده سلاح ذو حدين ( صحابك لو عارف اخرك هيحسن اختيار اوزانك معاك و يساعدك وقت اللزوم – صاحبك لو غشيم هتتصابوا .. )

حتى لاري نفسه كان هيتصاب و هو بيلعب في مجموعه لما البار وقع منه لكن محصلش حاجه ولحقوه

اخيراً 

لو عملت اللى عليك في كل حاجه و اتصبت فده عادي ووارد و طبيعي جداً يا اما ناس اتصابت و رجعت تاني زي الفل . الاصابات ممكن تحصل ليك باتفه الأسباب .. حرفياً و انت نايم !