وسع الرجل المناسب للاسكوات

وسع الرجل و اتجاه المشط المناسب للاسكوات ؟

فيه ناس بتقولك ( وسع رجلك قد كتفك ) و ناس تقولك (اكبر من كتفك) و ناس تقولك اضيق و ناس تقولك اقل

واللى يقولك مشط رجلك ( شكل 7 ) او مشط رجلك 11

فيه دراسات ناقشت ( وسع الرجل Stance width ) لقت مفيش اي فرق في تفعيل (العضلات الأمامية ) للرجل

جايز فيه فرق بسيط جدا جدا في ( الجلوتس gluteus maximus او المؤخره ) لكن في اماميات الرجل ولا اي فرق يذكر .. و ده اللى لقت الدراسه دي

في دراسات تانيه لكن اختصارا لانه موضوع بسيط و مش مستاهل التكرار

اختلافات الاجسام

في اختلافات بين تكوين اجسامنا ( الرجال غير السيدات ) في الحوض , بعض الناس رجليها طويله جداً و جزعها قصير او العكس

ده بيخلي شكل الاسكوات و نوعه بيختلف من شخص لشخص , بيخلي كمان اتساع القدم و اتجاه مشط الرجل بيختلف من شخص لشخص

فيه ناس هتناسبهم ( وسع او فتحه الرجل الكبيره Wide Stance ) في الاسكوات زي الصوره دي

بس في الغالب اللى بيستخدمها هو بعض لعيبه الباورليفتر و ممكن يبقي خارج المألوف شوية عشان تقليل المدي الحركي على العموم بلاش منها لو انت مش باورليفتر لانها ممكن تؤذي الضامه

و ناس تانيه هتعمل اسكوات ( وسع رجل قد كتفه Shoulder Stance او اكبر شوية ) زي كده

الخلاصه

خلي وسع رجلك هو الوسع المناسب ليك اللى يخليك تنزل افضل نزله و اللى يخليك في افضل وضعيه جسمك مستريح فيها و مرن فيها

#Fit_Engineer #Fit_Engineer_Squat