الميلاتونين هرمون النوم

ربنا خلقنا بساعه بيولوجية .. تنظم مواعيد نومك و استيقاظك و هرمونات في الجسم  ببسطه هى الـ circadian rhythm cycle

الميلاتونين هو الهرمون اللى بينظم نومك .. هو اللى بيقولك انت على السرير لازم تنام , فانت لازم تهيئ جسمك للنوم الكويس

ليه بنستخدم الميلاتونين  ؟!

1/ لو انا مش عارف اظبط نومي بسبب السهر و تأقلمي على كده .

2/ الارق

3/ رحلات الطيران والسفر اللى بيلخبط النوم

كيفيه الاستخدام ؟ 

الميلاتونين بيجي في صورة مكملات .. بجرعات حوالى 3 مج او 5 مج حسب نوع الشركة

ابدء بجرعة حوالى 3 مج قبل النوم وشوف النتيجه لو ماثرتش ممكن تزود الجرعه للضعف .. بتتاخد قبل النوم بحوالى نص ساعه

هل الميلاتونين آمن ؟ بيعمل إدمان ؟ هتعود عليه ؟!

الميلاتونين : أمن تماما مفيهوش مشاكل لاي شخص سليم .. مفيهوش ادمان

تجميعه الدراسات ( Meta-Analysis ) اثببت ان بيحسن جوده النوم جداً , خاصة لو هتعرف تنام وقت كاف حوالى 8 ساعات ( دراسات اخر مساعده 1 , 2 ) .

تنبيه : لاينصح بلاش الحوامل و المرضعات تاخده … مرضي السكر و الضغط و الاكتئاب 

النوم ده اهم نعمه و عدم اهتمامك بالنوم هيسبب ليك مشاكل كتيره عن تجربه

فيه تجميعه دراسات ( Meta-Analysis ) و دي تجميعه لأهم الدراسات اللى تناولت النوم ( حوالى 41 دراسه )

أكثر من 8 دراسات لقت ان قله النوم تؤدي ( إلى زيادة معدل أكلك للسعرات الحرارية 

 يعني لو انت بتنام 8 ساعات يومياً و بتاخد 2000 كالوري , لو جيت قللت معدل نومك ل 5 ساعات هتلاقي نفسك بتاكل أزيد من ال 2000 كالوري .. و ده هيقلل نتائج

حوالي 15 دراسة .. لقت ان: 

1/ قلة النوم بيزود ( الجوع ) , عشان كده هيبقي الدايت صعب عليك و الالتزام بيه هيبقي صعب و هيزيد معدل اكلك 

2/ قله النوم بتعمل مشاكل في ( حساسية الانسولين ) Insulin Sensitivity

3/ قله النوم بتعمل مشاكل في نشاط الدماغ .. و ده بياثر على تركيزك و ادائك .. و بتالى هياثر على اوزانك و تمرينك

القصه عباره عن دايره مقفوله ..باختصار هتنام كويس , هتشوف نتايج افضل في التمرين و الاكل و نزول نسبه الدهون و تحسن الاستشفاء و العضلات و غيره

نصيحه أخيره

لو انت مش مظبط عدد ساعات نوم حوالى 6- 8 ساعات .. و بتتعرض لضوء أزرق قبل النوم او بتاخد كافيين بكميات .. فساعتها الميلاتونين مش هياثر معاك بشكل كويس و هياثر على نومك .. زي ما الدراسه دي وضحت

• انك تضبط عدد ساعات نومك 
• ابعد الكافيين عن النوم ( حوالى 6 – 8 ساعات ) 
• قلل الضوء الازرق ( الموبيل و التليفزيون ) 
• وبعدين خد ميلاتونيين ( هتنام كويس جداً ) و هتقوم فايق جداً